АҚШда жорий қишда мавсумий гриппдан вафот этганлар сони беш йил ичида илк марта COVID-19 вируси сабаб ўлганлар миқдоридан ошиб кетди. Бу ҳақда Bloomberg агентлиги хабар тарқатган.
АҚШда жорий қишда мавсумий гриппдан вафот этганлар сони беш йил ичида илк марта COVID-19 вируси сабаб ўлганлар миқдоридан ошиб кетди. Бу ҳақда Bloomberg агентлиги хабар тарқатган.
"Америкада жорий қишда грипп ажал чақирувчи хавфли вирус сифатида COVID-19 дан ўзиб кетди. Беш йил ичида илк марта мавсумий касаллик пандемия патогенларидан устун келди", дейилади материалда.
Манба маълумотларига кўра, бу йилги мавсумда гриппнинг H1N1 ва H3N2 штаммлари энг кўп тарқалган бўлиб, улардан иккинчиси жиддий касалликларни келтириб чиқаради.
Мамлакатда COVID-19 кенг тарқалган 2020 йилда ундан гриппга нисбатан 42 баробар кўпроқ одам вафот этган. Бироқ, касалликлар назорати ва профилактикаси маркази маълумотларидан аён бўлганидек, жорий йилда вазият ўзгарган.
Марказ келтирган рақамларга кўра, ўтган йилнинг кузидан буён АҚШда 29 миллион киши гриппга чалинган, улардан 370 минг нафари шифохонага ётқизилган бўлса, 16 минг одам вафот этган. Шу билан бирга коронавирусдан ўлим ҳолатлари камайгани қайд этилган.