Ҳиндистон нефть вазири Хардип Сингх Пури давлат ўз мустақиллигини қўлга киритганига бир аср тўладиган 2047 йилда ривожланган мамлакат мавқеига эришишига ишонч билдирди. У бу ҳақда "Новости" агентлиги учун берган интервьюсида гапирган.
Ҳиндистон нефть вазири Хардип Сингх Пури давлат ўз мустақиллигини қўлга киритганига бир аср тўладиган 2047 йилда ривожланган мамлакат мавқеига эришишига ишонч билдирди. У бу ҳақда "Новости" агентлиги учун берган интервьюсида гапирган.
Унинг таъкидлашича, бошқа давлатларнинг эҳтимолий шубҳаларига қарамай, Ҳиндистон белгиланган мақсадга эришишга қатъий қарор қилган. Бу бош вазир Нарендра Модининг аввалроқ эълон қилинган 2047 йилда ривожланган мамлакатга айланиш ҳаракатлари ҳақидаги режасига мувофиқ бўлади.
Айни пайтда Ҳиндистон ялпи ички маҳсулот ҳажми (3,7 триллион доллар) бўйича дунёда бешинчи ўринни эгаллаб турибди, молия вазирлиги прогнозига кўра, 2027 йилда бу борада Япония ва Германияни ортда қолдириб, учинчи поғонага чиқиб олади.
S&P Global молия ва таҳлил компанияси баҳоси бўйича, ҳинд иқтисодиёти ҳар йили 6,7 фоизга ўсиб бориб, 2030-2031 йилларда 7 триллион доллардан ортиқ ҳажмга эришади. Бу мамлакат дунёнинг учинчи йирик иқтисодиётига айланишига имкон беради.